ديكوباج وأكثر

السلام عليكم

اليوم باوريكم أشغال سهله سويتها ماتحتاج لإحتراف

الأول: شغل على صينية بالديكوباج
في البداية عندي صينية ورديه ، لونتها بالسماوي بس ماغطيت اللون مره خليت الوردي باين علشان ابيها تكون معتقه



بعدين لصقت عليها شريطة دانتيل ، وحطيت فوقها بعد من غرا الديكوباج علشان تنتدمج مع الصينيه



بعدها بديت الصق الورود اللي قصصتها من المناديل وامسحها بإصبعي كويس علشان يطلع كل الهوا اللي فيها وتندمج مع اللي تحتها



بعد مانخلص نرشها بورنيش ،وهذا الشكل النهائي للصينية





الثاني: صحن البطيخ

في البداية مانحتاج الا صحن ابيض ألوان اكريلك



أول شي لونت الصحن من الداخل باللون الأحمر



ولونت الصحن من برا باللون الأخضر



بعدين في صحن خارجي نحط لون ابيض وناخذ من اللون الأخضر ونطبط على الأبيض بواسطة شاش حتى نحصل على تأثير أبيض مخضر



ونبدا نحط هالتأثير على شكل خطوط زي كذا



ونرسم بالأبيض على طرف الصحن من فوق ، وبالوسط نحط نقط سود عريضه



وبالأخير نرشه ورنيش بعد ماينشف، وهذا شكله النهائي



اتمنى يكون شغلي أعجبكم