السلام عليكم ،
شلونكم يالعيارين وشلون ايامكم مع الدوامات والاختبارات <<يبي ينكد عليكم
اجل بس انا اللي اتنكد ؟تقل محلوف ع أخوي كل يوم يذكرني بالاختبارات :(
المهم نبدا بالقصه أتمنى تستمتعون فيها :
في يوم من أيام الشتاء الدافيه جداً وتحديدا وقت الصباح تقترب الكاميرا الى بيت ابو ناصر وتحديداً غرفة ناصر نجده متبطح ع الفراش وحاضن المخده حضناً شديداً تكاد تتمزق من بين يديه ورن المنبه فجأة ليصحيه لموعد مهم وأعطاه انتظار 5 دقايق ومن انتظار الى غفوه وبعد نص ساعه استيقظ وذهب للحمام (تكرمون) ليتروش كعادته الصباحية ووجد علبة الشامبو شبه فاضيه وجرب الحل السعودي وهو ان يضع قليلاً من الماء في العلبه ويخضها خضاً جيداً :d وجلس يوازن بين المويه الباردة والساخنة 10 دقايق لين زان الماء وتروش وقضى وبعدها فرش أسنانه الشديده الصفار ومن ثم لبس اكشخ ثوب وشماغ وتعطر من عطر أخته :d (طبعا مو عادته يسوي كل صبح الأشياء اللي ذكرتها ولكن لانه موعد مهم سواها وتكشخ)
وهو بالطريق ذاهب ليجيب أخته وصديقتها من الجامعه لأول مره (طبعاً عشان أخته مو عشان صديقتها لا تسيؤون الظن :d)وطلعن البنات من الجامعه وهو ينتظر أخته وصديقتها وجت أخته بس !سألها وين ساره صديقتك قالت استأذنت من بداية المحاضره لانها حست بدوخه (تحسبون نويصر زعل؟ لا قال طيب دوري بنت جارتنا او وحده تعرفينها نوصلها :d قالت أخته ماشاء الله ونسيت دوامك ؟ أجاب نويصر أصلا مستأذن بس يالله لا تصرفين دوري وحده نعرفها نوصلها نبي نكسب اجر قالت أخته يالله ع البيت لا اعلم أبوي عليك خاف نويصر وقال خلاص لا تنافخين وراحوا للبيت
وصلوا الظهر واجتمعوا العيله ع الغداء وسولفوا سوالف اي عيله جب الشطه وحطلي زبادي وصبلي عصير وأعصر لي ليمون (ما باقي الا يقول حديهم حط اللقمة بفمي :d! )
وبعد الغداء أمر ابو ناصر ان ناصر يذاكر لبزرهم سعيد اللي بالابتدائي وقال أبشر يبه وراحوا بغرفه بروحهم وقال وش عليك اختبار يا سعيد قال عنقليزي وأخذ ناصر نفس عمييييق وقال إيه يا سهله
وقال يالله اقر هالقطعه ويدربي راسه سعيد يقرأ وما فطن الا نويصر سادحها نومه وقال مالي الا أختي طيرت شلوى هي اللي تذاكر لي وذاكرت له أخته فعلاً
وجاء الليل والكل لابس يا كوت يا فروه جالسين قبال الدفايه واللي يطقطق بالبلاك بيري واللي فاتح تويتر واللي فاتح الاقلاع ومار ع الجاده يضحك ع تعصبهم ونقاشهم اللبق جداً :d
وبعدها ناموا كلهم وبنص الليل قام نويصر تحسبونه بيصلي الوتر لا قام لانه مل من احتضان المخده وقال ورى ما أتزوج مثل كل خلق الله وش ناقصني بالله هذا انا متوظف وعندي راتب واقدر افتح بيت وقال من بكرا ابي افاتح أبوي بالموضوع وأبي اخلي أمي تشوفلي بنتن مزيونه ومتدينه وأخليها تونسني ونبعد عن هالبيت والضيقه والإزعاج اللي فيه وهمن تصحيني من النوم عشان ما أتأخر عن الدوام وأصير اتكشخ طول يومي وعمري وأبي اسوي حركات البنات اقهر عيال الاستراحه واسحب عليهم (عاد جد ليه البنات يسحبن ع خوياتهن بعد ما يتزوجن ؟جاوبن يا بنات )
المهم صحى الصبح وقضى يومه بشكل طبيعي لين جاء المغرب ويا زين المغرب <<عاد كلن وفهمه (فيس يغمز) إيه اقولكم جاء المغرب وفاتح أبوه بموضوع الزواج ورحب الأب بالأمر وشجعه وقال من حقك هذا انت كبرت وتوظفت وما نا قصك الا الزواج وانا كنت ابي أفاتحك بالموضوع قبل لا تقولي وها اسأل أمك بعد (هنا الأم ما تقدر تكذب الأبو وقالت اي صحيح كلامك يابو ناصر وها يا وليدي ببالك بنت ولا تبيني اخطبلك قال اي ابي البنت اللي الأسبوع الماضي عندكم ولابسه احمر وجوالها ايفون :d:d (امزح والله يذبحونه لو قالهم هالكلام )قال انتي يا يمه اخطبيلي ع ذوقك واللي تناسبك (قالها كذا عشان ما يتهاوشون بعدين لان معروف الزوجة وأم الولد دايم هواش في هواش)
وقبل يوم الخطبه بيوم ناصر تقل مهبول راح اشترى شماغ وثوب جدد وراح للحلاق حلق الشعرتين اللي بوجهه ويفرش اسنانه باليوم عشر طعش مره ويتسوك ويصلي بالمسجد ومن قو الدين عنده مره تأخر الخطيب بصلاة الجمعه وبغى ينقز ويخطب بالناس بس مسكه اللي بجنبه ..
وجاء يوم الخطبه لبس وتشيك وتأنتق ما بعده تأنتق <<حاس أوم اللغه :d
وراحوا يخطبون بنت جيرانهم ورحبوا بهم الجيران وصبو لهم القهوة ونويصر بيقلد المسلسلات البدويه ونزل الفنجال وينغزه أبوه (يعني اشرب القهوة) عاند نويصر وقال لا مابي اشرب الا لما تلبون طلبي قال جارهم أمروا وشو طلبكم ؟قال ابو ناصر حنا جايين نخطب بنتكم ريم لولدنا ناصر قال جارهم خير ان شاء الله طيب ولدكم كلموننا عنه هو يشتغل ولا لا؟ قال ابو ناصر إيه يشتغل وراتبه 7000 وحوله ترقيه ويصلي بالمسجد وعنده شقه بيسكن زوجته فيها لين يشترون بيت وهذا اهم شي ويجي نويصر ويقاصي أبوه ويقول قله متصدر بعد :d
وسمعهم هالجار وقال تخسون نزوج بنتنا نصراوي يالله ورونا عرض اكتافكم واقضبوا الباب ..
وبعدها أصيب باكتئاب ناصر وما يطلع من هالبيت مو لأنهم رفضوه لا بس ليه يهين النصر وكل من عرفته كرهني بسبب النصر وقال ابي اشجع الاتحاد <<ما أردى من المربوط الا المنفلت خخخخخخ:d
وتداركه احد اخوياه وسفره لتركيا ورفهه وانبسطوا ورجعوا وبعدها قرر ان يا يتزوج ولا ينتحر وبعد ما رفض من قبل اغلب المعارف والجيران لانه سافر لتركيا !!!(مبدأ عند اغلب الناس اللي يسافر ما هو وجه زواج :( )
وفي يوم من الأيام قرروا يزوجونه شغالتهم عشان ما ينتحر وعاشوا وخلفوا بزارين يلقون :d ..
ما يستفاد :
-لا تشجع النصر
-شجع الهلال
-لا تسافر برى السعوديه وحدك الطائف وقرودها
-فرش اسنانك كل يوم
-لا تحط غفوه بالمنبه وانقز اول ما يرن
مع السلامه ، أحبكم :eqla3: