غربة ونفاس واكتئاب تكفون ادخلوا

السلام عليكم جميعا

اولا اعتذر لو مكان موضوعي غير مناسب لاني حاولت انزله في قسم الاستشارات ورفض مدري ليش
لكن الاضطرار والتعب خلاني انزله هنا

مشكلتي اني في غربة وتوني والدة ولوحدي لاصديقات ولا أهل.. وجاني ثاني يوم من الولادة اكتئاب حاد
لدرجة اجلس بالايام لا اكل ولا شرب وبس ابكي طول الوقت واحس اني مخنوقة ويجيني خفقان في القلب وارجف واوصل لمرحلة كني مجنونة في تصرفاتي .. اصير امشي في الشقة واجلس واوقف وابكي واضرب نفسي ممكن واحس اني من الخوف ماقدر اسيطر علي نفسي وتصرفاتي

واكثر شي مرعبني هو الوحدة واذا صرت لحالي في البيت مع طفلي
الحين زوجي عنده اجازة وهذا شوي اللي مصبرني بس فكرة انه بيداوم وبجلس لحالي مسوية لي رعب مو طبيعي لان مدري وش بسوي بنفسي وقتها خاصة لحظتها اجلس افكر في الانتحار بس خوفي من ربي يمنعي

اللي احتاجه اي وحدة فيكم جاها اكتئاب مابعد الولادة تعلمني عنه وش كانت تحس
وكيف تتصرف اذا جتها حالة الهلع
وكم قعدت الحالة معها
وماتكلم عن اكتئاب سببه التعب والارهاق والضغوطات .. لا اتكلم عن خنقة وخوف ورعب وتحسين ان هذي اخرة الحياة
..
احتاج يابنات اعرف من مر بهالحالة عشان اصبر نفسي واتقوى واحس ان في امل اني اتعالج من هالشي
.
.

معلومات ع السريع

1- انا اشغل وقتي قد ماقدر واحاول ماترك نفسي فاضية
2- اقرا قران واسمع قران والاذكار وادعي ربي انه يفرجها علي
2- حالتي مالها دخل بالمسؤولية لان حتي وطفلي نايم وماعندي شي تجيني الحالة

.
.

اتمني يابنات اللي مرت بنفس الحالة تعلمني وكم استمرت وكيف تعالجت لاني رافضة الادوية

والله يجزاها بالجنة اللي ترد علي وتطمني ولايجعلها تذوق اللي امر فيه